Čempijanat u pamiać pra krejsier
Urad Arhienciny vyrašyła nazvać futbolny čempijanat u pamiać ab vajnie za Fałklendy.
Urad Arhienciny vyrašyŭ adznačyć 30-hadovuju hadavinu pačatku vajny ź Vialikabrytanijaj za Fałklendskija vyspy, nazvaŭšy čempijanat krainy pa futbole ŭ pieršym dyvizijonie, što startuje ŭ piatnicu, u honar krejsiera «Hienierał Bielhrana».
Nahadajem, što bajavyja dziejańni ŭ rajonie hetaha archipiełaha, jaki byŭ adkryty ŭ kancy XVII st. anhlijskimi marapłaŭcami, a arhiencincy paličyli svaim, prachodzili z krasavika pa červień 1982 h. i zaviaršylisia pieramohaj brytancaŭ. Vajna pačałasia paśla taho, jak na vyspy uvarvaŭsia arhiencinski desant, padaviŭšy supraciŭ brytanskaha harnizona.
U adkaz Vialikabrytanija padciahnuła da archipiełahu siły marskoj piachoty i desanta, jakija pry padtrymcy avijacyi i fłotu ŭvarvalisia na vyspy i paśpiachova błakavali hałoŭnuju bazu arhiencinskich sił u Port-Stenli. Supierniku ničoha nie zastavałasia rabić, akramia taho jak kapitulavać 14 červienia. Aficyjna ž vajna skončyłasia 20 červienia.
Niemałavažnym epizodam taho kanfliktu jak raz stała padzieja 2 maja, kali brytanskaja atamnaja padvodnaja łodka tarpiedavała krejsier «Hienierał Bielhrana», u vyniku čaho na karabli zahinuli 323 čałavieki.