Ryana praśpiavaje duetam z Coldplay
Ryana praśpiavaje duetam z Coldplay na ŭručeńni premii «Hremi». Byłaja siabroŭka biejsbalista kłuba «Łos-Andželes Dodžiers» Meta Kiempa, pop-śpiavačka Ryana i hurt Coldplay damovilisia ab sumiesnym vystupie na cyrymonii ŭručeńnia muzyčnaj premii «Hremi». Jakuju kampazicyju artysty źbirajucca vykanać razam, nie ŭdakładniajecca.
Dla Ryany i Coldplay takoje supracoŭnictva budzie ŭžo nie pieršym u karjery. Pop-vykanaŭca brała ŭdzieł u zapisie adnoj z kampazicyi z apošniaha na siońniašni dzień alboma Coldplay Mylo Xyloto - hołas Ryany možna pačuć u pieśni Princess of China.
Akramia hetaha, arhanizatary dadali da śpisu artystaŭ-haściej šou jašče i Poła Makartni. Eks-udzielnik The Beatles nie tolki vystupić na scenie, ale i atrymaje ŭznaharodu, jakaja štohod prysudžajecca vybitnym asobam muzyčnaj industryi.
Cyrymonija ŭručeńnia «Hremi» adbudziecca ŭ Łos-Andželesie 12 lutaha.