Brytni Śpirs iznoŭ piatnaccać

Možna było b skazać, što papsa — heta jana sama, kali b nie całkam rok-n-rolny ład žyćcia: ałkahalizm, lačeńnie ad narkamanii, psichuška i Džastyn Tymbierłejk, adpraŭleny daloka-daloka.

Svaju zornuju karjeru Brytni Śpirs pačynała ŭ školnym baptysckim chory

ŭ rodnym Makkombie (štat Misisipi). Viadomaj jaje jašče ŭ padletkavym vieku zrabiła amierykanskaje šou «Novy kłub Miki Maŭsa», dzie jana pačynała razam z Kryścinaj Ahileraj i zhadanym užo Tymbierłejkam.

Jaje debiutny sinhł «…Baby One More Time» (1998) mieŭ šalony pośpiech i razyšoŭsia ŭ śviecie nakładam u 9 młn kopij. Prykładna na stolki ž, vidać, vyrasła i kolkaść novapafarbavanych błandzinak-staršakłaśnic. Aproč taho

Brytni navažyłasia na śmieły dla sučasnaha šou-biznesu krok: dekłaravała, što budzie zachoŭvać cnatlivaść da šlubu.

I jaje 

sinhł «Oops!… I Did It Again» (2000) ustalavaŭ absalutny rekord. Prodažy za pieršy tydzień skłali 1 319 193 kopii.

Tolki praŭdarub Eminiem z časam zdoleŭ tak pieravykanać płan. Choć i nie abiacaŭ ustrymlivacca da šlubu.

Brytni była zaŭvažanaja i ŭ kino. I nie tolki ŭ aŭtabijahrafičnym. U filmie Majkła Mura «Farynhiejt 9/11», kamientujučy vajnu ŭ Iraku,

jana zrabiła zajavu całkam u duchu Iryny Darafiejevaj: «Ja dumaju, što my pavinny daviarać našamu prezidentu ŭ kožnym rašeńni

, padtrymlivać jaho i vieryć u jaho».

U 2003-m Śpirs atrymała Hremi, paśla čaho jaje karjera pakaciłasia pa nachilenaj. Dakładniej, na pracu rezka pierastała chapać času: dva šluby adzin za adnym (pieršy praciahnuŭsia ŭsiaho 55 hadzin), naradžeńnie dvaich dziaciej, sumnieŭnyja siabry (adna kabalistka Madonna čaho vartaja), jazda biez pravoŭ, špital, pryznańnie niedziejazdolnaj, apieka…

Chto b moh dumać, što Brytni skaža «nie» tabletkam i kilišku?

Valavym namahańniem jana skinuła lišnija kh i viarnułasia na scenu z albomam Blackout.

Ale za čas jaje adsutnaści padrasło novaje pakaleńnie hieraiń padletkavych mrojaŭ.

I pierakis vadaroda bolš nie vabić miljony. Šalonaha pośpiechu nie było. Albom raskupili byłyja fanaty. U hetym jość i plus. Dakładniej, harantyja ekanamičnaj stabilnaści dla Śpirs i jaje siamji: jany buduć nastalhična lubić i kuplać sinhły Brytni jašče doŭhija-doŭhija hady.

U 2011-m na MTV Video Music Awards

Brytni Śpirs, simvalična, atrymała śpiecyjalnuju premiju imia Majkła Džeksana «Pryznańnie pakaleńnia».

Jašče adno pryznańnie pakaleńnia — vyjava Brytni Śpirs jość u muziei vaskovych fihur madam Ciuso.

Mahčyma, tak by vyhladała i žyła Merylin Manro, kali b naradziłasia ŭ 1981-m.

Jaŭhien Kvač

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH