Hałyhin i «Leprykonsy»: albom dziela paciechi ŭłasnaj

Humaryst i vakalist-pačatkoviec Vadzim Hałyhin razam ź Illom Mićko dy jaho hurtom «Leprykonsy» vydaŭ albom ci to muzyčnych parodyjaŭ, ci to stylizacyjaŭ. U «Podarkie» takaja zdaryłasia niavykrutka —

čas «Leprykaŭ» jaŭna syšoŭ, a čas Vadzika jak vakalista bandy jašče, vidać, nie pryjšoŭ. Tamu słuchać ich albom z muzyčnaha hledzišča — praca nialohkaja.

Siabroŭskija pasiadziełki Hałyhina i Mićko pieratvarylisia ŭ paŭnavartasny muzyčny kampakt-dysk.

Toje, što pačynałasia jak unutrykarparatyŭny žart, niečakana nabyło formu i źmiest.

Atrymaŭsia albom «padarunkaŭ» ulubionym artystam — 12 trekaŭ, kožny ź jakich možna suadnieści z tvorčaściu taho ci inšaha vykanaŭcy.

Hałyhin kłaniajecca ŭ nohi Depeche Mode, «Tiechnołohii», «Lapisam» dareformiennaha pieryjadu dy niejkaj błatacie.

Z uliku taho, što da jaho pieśniaŭ było vyrašana dadać jašče try tvory Illi, dyk heta jašče i pakłon ułasna «Leprykonsam». Muzykam adrazu chočacca padziakavać za toje, što jany nie ŭzialisia pierapiavać svaje ŭlubionyja kampazicyi čužych vykanaŭcaŭ. Tady b ich praca była śmiechu vartaja ŭ litaralnym sensie.

Moža, dzie na hłybini padśviadomaści i kranajuć hetyja chałodnyja kłavišnyja ŭ «Nie było» i trochi ŭśmichaje pryśviačeńnie Brehaviču «Obmaniła, podžvieła», praśpiavanaja na nieviadomaj movie. Zrešty, miarkujučy z vodhukaŭ, aŭtaraŭ alboma, jany i sami da svajho alboma surjozna nie staviacca.

«Podarok» — lohkaja prahramka dla ŭłasnaj paciechi dy imaviernych karparatyvaŭ

, albom niakiepskich časam stylizacyjaŭ, jakija majuć na mecie tolki adno — uźniać nastroj tym, chto prasiaknuty charyzmaj Vadzika dy Illi.

Vadzim Hałyhin i «Leprykonsy» — Podarok, internet-reliz, 2011

Siarhiej Budkin, «Tuzin Hitoŭ»

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH