Kolkaść padpisčykaŭ hazety "Krama kryžavanak" pavialičyłasia ŭ šeść razoŭ
Dziakujučy salidarnaści amataraŭ biełaruskamoŭnych kryžavanak. Vydańnie dziakuje niezaležnym ŚMI za infarmacyjnuju padtrymku.
Na pieršy ŭ 2007 h. numar biełaruskamoŭnaj hazety «Krama kryžavanak» padpisalisia 6280 čałaviek. Vydańnie dziakuje niezaležnym ŚMI za padtrymku.
Pieršy hod isnavańnia dla adzinaj biełaruskamoŭnaj hazety kryžavanak skončyŭsia na tryvožnaj nocie: nakład skaraciŭsia ŭ 10 razoŭ, hazeta sutyknułasia z prablemaju istotnaha viartańnia z kropak realizacyi. Ale kalektyŭ vyrašyŭ praciahvać rabić vidavočna niekamercyjny prajekt. Daviałosia źmianić peryjadyčnaść vychadu – z hetaha hodu hazeta drukujecca raz u kvartał.
Pačatak hodu prynios hazecie niečakany i pryjemny siurpryz – kolkaść padpisčykaŭ uzrasła ŭ 6 razoŭ i składaje na siońnia 6280 čałaviek. Heta rekord dla ŭsioj biełaruskamoŭnaj presy, a dla hazety kryžavanak tym bolš. Redakcyja hazety ŭvažaje taki siurpryz za padarunak da 1‑ha hodu vydańnia. «Heta sapraŭdny padarunak da našaha śviata Dziakuj Vam, darahija biełarusy. Tolki razam my zmožam pieraadoleć hory nielubovi da biełaruskaj movy» – pišacca ŭ tradycyjnaj redakcyjnaj kaloncy. Kalektyŭ «Kramy kryžavanak» taksama vykazvaje padziaku biełaruskim ŚMI za padtrymku.
Pabolšaŭ i nakład hazety – da 9000 ekz.
Lutaŭski numar prapanuje anahramy, kryžavanki, skanvordy, sudoku, słanki, šaranty na luby hust. Razharot «Kramy» pryśviečany raślinnamu i žyviolnamu śvietu Biełarusi».
Nastupny numar «Kramy kryžavanak» patrapić u prodaž 4 traŭnia. Nahadajem, što padpisacca na hazetu biełaruskamoŭnych kryžavanak možna ź luboha miesiaca i na roznyja terminy va ŭsich adździaleńniach paštovaj suviazi. Padpisny indeks – 63313 u katałozie «Biełpošty».
