Aleh A. ***aŭtazak sychodzić dzieści ŭ poŭnač...
aŭtazak sychodzić dzieści ŭ poŭnač,
ŭzdoŭž bardziura strojem stała svołač,
svołač vypraŭlaje aŭtazak.
aŭtazak sychodzić dzieści ŭ poŭnač,
aŭtazak sychodzić prama ŭ raj,
ach, jak maryć — «ech, chutčej by!» — svołač
abviaścić što płošča — «fajnden fraj»*.
«fajnden fraj» kaścioł, marmur, prypynak,
ŭvieś pratektarat ad kraju ŭ kraj
ad Akreścina i da Navinak,
zaraz i u vieki — «fajden fraj»!
u mašynu z bolu i vieluru
nas viaduć — jak dzietak na urok,
treba ŭzdoŭž darohi pa bardziury
ŭzdoŭž… a my imkniemsia papiarok.
rvanaj kałašynaju bliskajem,
my idziem nie ŭzdoŭž, a papiarok,
i ŭ šarnyja tvary uśmichaje
toj, kaho zakinuć za zamok.
moža, było niejak
tolki naša praŭda nie ŭ brachni!
da svajho apošniaha vahona,
da svajho kryvavaha vahona,
bolem pierakrytaha vahona,
nios mianie paskudlivy ciahnik…
* (frei von Feinden (niam.) — volnaja ad vorahaŭ)
