Novy vypusk jeŭraablihacyj Biełarusi praduhledžvaje premiju
Druhi vypusk biełaruskich siamihadovych jeŭraablihacyj vyłučaje vialikaja inviestycyjnaja pryvabnaść u paraŭnańni z debiutnym vypuskam jeŭrabondaŭ, raźmieščanych u žniŭni 2010 hoda, i anałahičnymi pazykovymi abaviazańniami Ukrainy,ličać ekśpierty kampanii «Reniesans Kapitał — Finansavy Kansultant».
Jak paviedamlałasia, Biełaruś u minułuju sieradu raźmiaściła druhi vypusk naminavanych u dalarach jeŭrabondaŭ na sumu 800 młn z dachodnaściu 8,95% hadavych.
«Staŭka raźmiaščeńnia na ŭzroŭni 8,95% praduhledžvaje premiju ŭ pamiery bolš za 260 bazisnych punktaŭ da kryvoj prybytkovaści suvierennych pazykovych abaviazańniaŭ Ukrainy i kala 640 bazisnych punktaŭ da
Ekśpierty pryznajuć, što Biełaruś sastupaje Ukrainie z punktu hledžańnia kredytnaj jakaści praz padvyšanuju adčuvalnaść da vonkavych šokaŭ, nievialikija zołatavalutnyja reziervy, mienš dyviersifikavanuju strukturu zamiežnaha handlu i pačatkovuju stadyju pierachodu da rynkavaj ekanomiki, ale pry hetym u krainie lepšaja ŭ paraŭnańni z Ukrainaj biudžetnaja dyscyplina.
«Biełaruś ŭjaŭlajecca značna bolš hnutkaj, čym Ukrajina, u tym, što datyčyć likvidnaści dziaržaŭnych finansaŭ, i maje bolš nizki ŭzrovień zamiežnaha doŭhu adnosna VUP», — kažuć ekśpierty «Reniesans Kapitał», adznačajučy razam z tym, što takaja pieravaha nosić časovy charaktar — Ukraina raspačała refarmavańnie elektraenierhietyki i namieciła na najbližejšyja hady reformu piensijnaj sistemy.
Analityki nie vyklučajuć, što Biełaruś pasprabuje pavialičyć abjom novaha vypusku anałahična debiutnamu raźmiaščeńniu, abjom jakoha byŭ pašyrany na 400 młn dalaraŭ praź miesiac paśla raźmiaščeńnia.
