Ryhor Baradulin. Uziatyja na śmierć pavinny žyć

Ryhor Baradulin

* * *

Ratuj uziatych na śmierć, i niaŭžo adračešsia ad vyračanych na zhubu?
Prypavieści Sałamona 24:11

Uziatyja na śmierć pavinny žyć.
Jany pryjšli ŭ žyćcio,
Kab ciemra źnikła.
Kab djabłavy aščeranyja ikły,
Za hańbu pomściačy,
Uščent skryšyć.
Daj mocy duchu
Ratnikam śviatła.
Rašučyja nie mohuć być rabami.
Chaj zdrajcy ŭ doł pakory
Bjuć iłbami,
Tryvaćmie niepachisnaści skała.

Nie pamiraje praviednaja kroŭ,
Jana ŭ viakach
Nie viedaje sutrymu.
Złu niepadlehłuju svaju Radzimu
Śvitalna
Bačać vočy vajaroŭ!..

2.I.II

Spampavać vierš u vykanańni aŭtara.

labadzenka.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0