«Pinskaja šlachta» u pastanoŭcy Pinihina — 30 vieraśnia, Varšava

Premjera «Pinskaj šlachty» Dunina-Marcinkieviča ŭ pastanoŭcy biełaruskaha režysiora Mikałaja Pinihina adbudziecca na scenie varšaŭskaha teatra «Rampa» 30 vieraśnia.

Śpiektakl u pastanoŭcy Mikałaja Pinihina stanie repiertuarnym,

u im buduć ihrać polskija akciory, a hałoŭnuju rolu vykanaje zasłužany artyst Biełarusi Viktar Manajeŭ.

Mastak-pastanoŭščyk — Volha Mackievič, kampazitar — Mikałaj Zubryč. Prajekt realizavany pry padtrymcy ministerstvaŭ kultury Biełarusi i Polščy.

U dalejšym płanujecca tvorčy abmien pamiž Biełaruśsiu i Polščaj: akciory Kupałaŭskaha teatra buduć ihrać u dekaracyjach teatra «Rampa», a polskija akciory — na scenie i ŭ dekaracyjach Kupałaŭskaha teatra.

Jak adznačyła Śviatłana Šycikava, heta ŭžo nie pieršy polska-biełaruski teatralny prajekt. Jarkim prykładam tvorčaha supracoŭnictva dźviuch krain moža słužyć rabota znakamitaha polskaha režysiora Kšyštafa Zanusi ź biełaruskimi akciorami, jakija syhrali ŭ mižnarodnym teatralnym prajekcie pad nazvaj «Dzieva i Śmierć» pa pjesie Aryela Dorfmana.

BIEŁTA

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0