«BiełEkspa» pierajedzie ŭ viosku

Nacyjanalny vystavačny centr «BiełEkspa», budynak jakoha na vulicy Janki Kupały minčuki pa-staromu časam nazyvajuć «VDNCH», moža ŭ budučyni atrymać prapisku ŭ byłoj vioscy Ščamyślica, što pad Minskam.

Pa słovach hałoŭnaha inžyniera KUP «Minskaja spadčyna» Michaiła Žycha, takoje rašeńnie pradyktavanaje tym, što

vystavačny centr u hetaj častcy horada pierastaŭ adpaviadać sučasnym patrabavańniam praviadzieńnia bujnych ekspazicyj.

Tut nie chapaje płoščaŭ i nieabchodnaj infrastruktury — składaŭ, padjaznych šlachoŭ, abjektaŭ servisu. Z hetaj pryčyny niekatoryja bujnyja vystavačnyja kampanii admaŭlalisia ad supracoŭnictva ź minskimi kalehami.

Zrešty, pryčyna nie tolki ŭ hetym, bo budynak «BiełEkspa» ciapier znachodzicca na terytoryi, jakaja ŭkazam kiraŭnika dziaržavy pieradadzienaja pad asvajeńnie Dziaržaŭnamu hienieralnamu reziervovamu fondu Sułtanata Aman. Asvojvać učastak zamiežny inviestar płanuje pačać užo ŭ 2011.

Taksama, akramia budynka «BiełEkspa», na terytoryi, jakaja naležyć amancam, znachodzicca budynak 2-j haradskoj kliničnaj balnicy, budynki enierhietyki (TP-159), a taksama Aleja Družby.

Ježiednievnik

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH