DAI z pryčyny śpioki zaklikaje aŭtamabilistaŭ być asabliva ŭvažlivymi
Upraŭleńnie DAI HUUS Minharvykankama ŭ suviazi z haračym nadvorjem zaklikaje ŭsich udzielnikaŭ darožnaha ruchu być uvažlivymi na darohach stalicy.
«Kiroŭcam transpartnych srodkaŭ, jakija pa stanie zdaroŭja adčuvalny da rezkich źmien umoŭ nadvorja, pažadana admovicca ad kiravańnia transpartnym srodkam», — havorycca ŭ paviedamleńni adździeła pa ahitacyi i prapahandzie UDAI.
Akramia hetaha, Dziaržaŭtainśpiekcyja zaklikaje baćkoŭ nie pakidać dziaciej u aŭtamabilach na praciahły čas z‑za pahrozy ciepłavoha ŭdaru. Piešachodaŭ — być bolš uvažlivymi pry pierachodzie prajeznaj častki.
Pavodle infarmacyi DAI, za minułyja sutki ŭ Minsku zarehistravana 139 DTZ, u adnym ź jakich traŭmy atrymaŭ adzin čałaviek. Zatrymana 13 kiroŭcaŭ u stanie ałkaholnaha apjanieńnia, 9 — jakija nie mieli prava na kiravańnie, 117 — pakarany za pieravyšeńnie chutkasnych režymaŭ ruchu, 124 — za parušeńnie prajezdu piešachodnych pierachodaŭ. Da administracyjnaj adkaznaści pryciahnuta 187 piešachodaŭ‑parušalnikaŭ.
