Pačatak vydačy paśviedčańniaŭ kiroŭcy novaha ŭzoru pieranosicca na kaniec hodu
Pra heta paviedamiŭ načalnik adździeła navukova-mietadyčnaha i pravavoha zabieśpiačeńnia ŭpraŭleńnia DAI MUS Anatol Suško.
Pra heta paviedamiŭ načalnik adździeła navukova-mietadyčnaha i pravavoha zabieśpiačeńnia ŭpraŭleńnia DAI MUS Anatol Suško.
Raniej płanavałasia, što vydača novych paśviedčańniaŭ pačniecca ŭ lipieni. Pieranos terminaŭ, miarkujučy pa słovach pradstaŭnikoŭ respublikanskaj Dziaržaŭtainśpiekcyi, źviazany z techničnaj bokam pytańnia, to jość vytvorčaściu i vydačaj dakumientaŭ.
Nahadajem, nieabchodnaść uviadzieńnia novych paśviedčańniaŭ vyklikanaja ŭstupleńniem u siłu 29 sakavika 2011 h. papravak da Jeŭrapiejskaj kanviencyi ab darožnym ruchu 1968 hoda. Novaje paśviedčańnie budzie mieć vyhlad płastykavaj kartki ź niekalkimi stupieniami abarony, u tym liku hałahram i podpisam uładalnika. Katehoryi transpartnych srodkaŭ buduć pakazanyja piktahramaj na advarotnym baku kartki. Da najaŭnych płanujecca dadać jašče čatyry katehoryi transpartnych srodkaŭ: A1 (matacykły z abjomam ruchavika mienš 120 kub. sm), BE (lehkavy aŭtamabil z pryčepam), SIE (hruzavy aŭtamabil z pryčepam), DE (aŭtobus z pryčepam abo sučlenieny aŭtobus).
Pa słovach Anatola Suško, płanujecca, što košt novych paśviedčańniaŭ dla hramadzian nie źmienicca.
Pieršymi novyja paśviedčańni atrymajuć tyja, chto paśpiachova zavieršyć navučańnie ŭ aŭtaškołach, i vadzicieli-»dalnabojščyki».
