Pahonia na Hrunvald startuje z Horadni - 16 lipienia
Źbirajem haradzienskuju charuhvu na śviatkavańnie 600 uhodkaŭ bitvy pad Hrunvaldam 16‑18 lipienia.
Vyjezd ranicaj 16.07 (piatnica) z Hrodna.
Viečar 16.07. — pryjezd na Hrunvaldskaje pole, raźmiaščeńnie ŭ namiotavym miastečku.
17.07 (subota) — Hrunvaldskaje pole, uračystaści z nahody 600‑hodździa Hrunvaldskaj bitvy. Ad 14.00 — rekanstrukcyja Hrunvaldskaj bitvy, fest folk‑muzyki.
18.07 (niadziela) — adjezd u Hrodna (adrazu jak pračniemsia :))))
My zamovili aŭtobus na 49 miescaŭ. Košt pajezdki — pryblizna 35 dalaraŭ z čałavieka. Uvaha!!! Kožny ŭdzielnik hetaha «haradzienska‑hrunvaldskaha» padarožža atrymaje ŭ padarunak kašulku, admysłova zroblenuju da śviatkavańnia 600‑hod Hrunvalda.
Z dadatkovych vydatkaŭ — miesca ŭ namiotavym miastečku, pavodle arhanizataraŭ, kaštuje 10 polskich złotych (9‑10 tysiač biełaruskich rubloŭ).
Z saboj varta mieć spalnik, i namiot (kali niama svajho namiota, budziem adpraŭlać na padsialeńnie )))
Uvaha! Vizavaj padtrymki nie akazvajem.
RUCHajem na Hrunvald RAZAM!
Kantaktavać: [email protected], + 375 (152) 74 44 28