U Hrodnie prahučać pieśni fiłamataŭ
22 maja ŭ Novym zamku ŭ 16.30 adbudzieccamuzyčna-histaryčnaja viečaryna «Fiłamaty i fiłarety».
U asnovie prajekta lažać aryhinalnyja pieśni fiłamataŭ i fiłaretaŭ z rukapisnaha zbornika, składzienaha žonkaj T.Zana Bryhidaj Śvientažeckaj u 1855 hodzie i niadaŭna znojdzienaha ŭ vilenskim archivie muzykaznaŭcam, supracoŭnikam Biełaruskaj akademii muzyki i tvorčaha kalektyvu «Biełaruskaja kapeła» Śviatlenaj Niemahaj. Šmat pieśniaŭ napisana na vieršy Ja.Čačota, aŭtarami tekstaŭ źjaŭlajucca taksama A.Mickievič, T.Zan, A.Adyniec. Teksty śpiavalisia na miełodyi viadomych biełaruskich («kryvickich») narodnych pieśniaŭ, ukrainskaj narodnaj pieśni, aŭtarskija miełodyi M.Šymanoŭskaj, T.Zana, K.Tyzienhaŭza.
Dźvie pieśni (na słovy A.Mickieviča i A.Adynca) vykonvajucca taksama na muzyku adnaho z udzielnikaŭ prajekta — Alaksieja Žbanava.
Uličvajučy, što pieśni fiłamataŭ i fiłaretaŭ składalisia nie dla sceničnaha vykanańnia, a dla šyrokaha ŭžytku ŭ siabroŭskim kole, prajekt maje adkryty charaktar. Jaho ŭdzielnikami źjaŭlajucca jak studenty i vypuskniki Biełaruskaj akademii muzyki, tak i
Niahledziačy na toje, što teksty pieśniaŭ, uklučanych u prahramu, napisanyja na polskaj movie, u prajekcie, zychodziačy ź jaho metaŭ i charaktaru, vykarystanyja pierakłady na biełaruskuju movu K.Ćvirki, V.Siomuchi, A.Žbanava.
Najlepšym vynikam prajekta, z punktu hledžańnia jaho inicyjataraŭ, stałasia b «druhoje žyćcio» pieśniaŭ fiłamataŭ i fiłaretaŭ — pierš za ŭsio ŭ studenckich asiarodkach našaj krainy. Dziela hetaha da ŭdziełu ŭ prajekcie zaprašajucca ŭsie zacikaŭlenyja, chto maje elemientarnyja śpieŭnyja zdolnaści i žadańnie zrabić asabisty ŭniosak u pašyreńnie fiłamackich idejaŭ u Biełarusi.
Trapić na imprezu možna budzie nabyŭšy zvyčajny muziejny kvitok. Košt dla darosłych — 2300 rubloŭ.
