Ziamli ŭsim chopić
Da kanca hodu Minski rajvykankam nareža jašče nie mienš za 20 tysiač učastkaŭ pad zabudovu.
Da kanca hodu Minski rajvykankam nareža jašče nie mienš za 20 tysiač učastkaŭ pad zabudovu.
Rynak zaharadnaj nieruchomaści ŭpaŭ. Zrešty, nie ŭvieś, ale važny siehmient. Rezka źnizilisia ceny na niekatoryja ziamielnyja ŭčastki pad Minskam. I pradaŭcy jašče hatovyja tarhavacca. Heta tym bolš dziŭna, što
na aŭkcyjonach u studzieni sotki ŭ Cniancy, Siomkavie i Łaparovičach išli za 100–135 miljonaŭ rubloŭ. A ŭ pačatku traŭnia dva kavałki byłoj ralli pa 15 sotak u Siomkavie kupili praktyčna pa kadastravym košcie — u 2–2,5 razy tańniej. Siurpryz? Druhaja chvala kryzisu? Nie, u hetaj zahadki inšaja adhadka.
Spakusa
Była dača raskošaj. I pierastała joju być u kancy
Inšymi słovami, luby minčuk (hamialčuk, pałačanin, uździeniec i h.d.), kali jon čarhavik, moža pryjechać, skažam, u pryvabny blizkaściu da Minsku Baraŭlanski sielsaviet i pakinuć zajavu ab vydzialeńni ziamli.Navat tym, chto ŭžo mieŭ učastak, ale pradaŭ, abo žadaje jašče adzin, kateharyčna nie admoviać, a prosta pastaviać u čaćviertuju čarhu. U joj stajać i amatary sielskich łandšaftaŭ, jakija zusim nie majuć patrebu ŭ žylli. Ciapier pytańnie: dzie ŭziać łandšafty?
«Ziamli chopić usim», — abnadzieiŭ načalnik ziemleŭparadkavalnaj i hieadezičnaj słužby Minskaha rajonu Aleh Balicki. U čarzie pa jaje ŭ navakolli Minska staić 21 tysiača siemjaŭ.
Da kanca hodu vykankam abiacaje zabiaśpiečyć praktyčna ŭsich achvotnych: nareža jašče nie mienš za 20 tysiač učastkaŭ. Spatrebicca — znojduć i jašče. Praŭda, u čystym poli.
Pierad darožnikami, enierhietykami i kamunalnikami, viadoma, pastaŭlenaja zadača nakiroŭvać hrošy ź inavacyjnaha fondu abo dziaržprahram na raźvićcio sielskaj infrastruktury. A tam užo jak atrymajecca. Kali pamiatajecie, dačniki
Biznes na miescach
Ale padobna da taho, što hetyja prablemy mienš za ŭsio ciapier chvalujuć ziemleatrymalnikaŭ.
«90 pracentaŭ vydzielenych učastkaŭ apynucca na rynku nieruchomaści, — upeŭnieny Uładzimir Čarnuševič, dyrektar ahienctva nieruchomaści „Zaharadny dom“. — Tak što pracy nam chopić jak minimum na 20 hadoŭ. Bo značnaja kolkaść ziemlaŭ addadzienaja budaŭničym kampanijam pad uźviadzieńnie katedžavych pasiołkaŭ».Pra ličby, viadoma, možna spračacca. Adnak staršyni sielskich savietaŭ nie admaŭlajuć, što značnaja častka patencyjnych zabudoŭščykaŭ, jašče nie aformiŭšy ziamlu ŭ pažyćciovaje spadčynnaje vałodańnie, cikavicca praceduraj kansiervacyi budynku.
Ale ŭsio heta nie tłumačyć hałoŭnaha.
Čamu ŭpaŭ rynak pryharadnaj nieruchomaści? Pa zakonach ekanomiki jon naohuł kali padaje? Kali prapanova niečakana rezka abrynajecca na popyt. To bok usie chočuć ziamlu chutčej pradać. Nie atrymlivajecca. Dla niaścierpnaha žadańnia pradać termin małavaty. Masava ŭčastki ŭ Minskam rajonie stali vyłučać tolki ŭvosień minułaha hodu. Značyć, i praviarać asvajeńnie ziemlaŭ z usimi nastupstvami (nie prystupiŭ da budoŭli — praz hod zabiaruć) pačnuć bližej da kastryčnika.Ale dastatkova zrušyć buldozieram hrunt — i ŭžo nie parušalnik. Da spravy palapšeńnia žyllovych umovaŭ prystupiŭ. Tym bolš što abmiežavańniaŭ pa terminach uvodu žylla ŭ ekspłuatacyju i zusim niama. Buduj choć usio žyćcio.
Padrychtoŭka pierad prodažam
Jak čutki pra chutki defołt u Hrecyi dniami abvaliŭ jeŭra, hetak viestka ab padrychtavanych da padpisańnia źmienach u paradak kansiervacyi budynkaŭ dla prodažu pierakroiła rynak zaharadnych ziemlaŭ. Adkul zvon?
Kažuć, što ahienctva pa dziaržrehistracyi nieruchomaści atrymała rekamiendacyju pad lubymi padstavami zaciahvać kansiervacyju niezavieršanych budynkaŭ na tych učastkach, jakija byli vyłučanyja dla hramadzianaŭ, što majuć u ich patrebu, u minułym hodzie.
Što majecca na ŭvazie. Chto choć raz cikaviŭsia ziamielnym pytańniem, viedaje, što naŭprosty prodaž ziamli ŭ nas zabaronieny (za vyklučeńniem nabytaj u kankurentnaj baraćbie na aŭkcyjonach). A z zakansiervavanym padmurkam i płotam možna i zbyć. Pryčym biznes vyhadny. Atrymaŭ ziamlu biaspłatna, daŭ abjavu ŭ haziecie, znajšoŭ čałavieka, hatovaha ryzyknuć niekalkimi tysiačami dalaraŭ na ŭźviadzieńnie minimalnych budynkaŭ (jość vypadki, kali rehistravalisia fundamientavyja błoki, akuratna pakładzienyja pa pierymietry ŭjaŭnaha padmurku), i atrymaŭ 20, 30, a kali
Dziaržkammajomaść daŭno vynošvaje ideju hety cieniavy rynak adnym macham prykryć. Prapanovy takija: kab zakansiervavać budynak, treba budzie padniać jaho pad dach, tolki tady atrymaješ techpašpart i zmožaš pradać. Adnačasova i terminy budaŭnictva chočuć abmiežavać čatyrma hadami.
Voś tyja, chto atrymaŭ ziamlu nie dla ŭłasnych patrebaŭ, a vyklučna dziela vyhady, i spałochalisia. Skinuli ceny i chočuć paśpieć zaskočyć ŭ ciahnik, što adychodzić. I, jak akazvajecca, takich biznesmenaŭ niamała. Lišak prapanovy zadušyŭ popyt.
Dzialicca treba!
A ciapier ujavim, što abiacańnie vykanana. I z zaŭtrašniaha dnia zbyć ziamlu možna tolki z praktyčna hatovym domam: padmurak, pavierch, dach, vokny, dźviery.
— A što tut ujaŭlać? — Pytańniem na pytańnie adkazvaje Uładzimir Čarnuševič. — Usio heta ŭ nas užo było. Ludzi prydumlali novyja schiemy, budavali pa davieranaści, zaklučali damovy ab sumiesnym budaŭnictvie. Adny jurysty zakony pišuć, inšyja prydumlajuć, jak ich abyści. Budzie popyt — źjaviacca abychodnyja šlachi. I ziamla, jak luby zapatrabavany tavar, budzie pradavacca. Razumniej było b uvohule nie ŭstaloŭvać nijakich zabaronaŭ.
Uziaŭ ziamlu, nie raźličyŭ svaje siły, pieraacaniŭ mahčymaści — pradavaj. Ale vypłaci dziaržavie chacia b kadastravy košt učastka. I ŭsio. Za hetyja hrošy sielsaviety pabudujuć darohi, balnicy, škoły, navat parki.
I sapraŭdy,
kali kadastravy košt učastka (prykładna 20 tysiač dalaraŭ) pamnožyć na 26 tysiač (heta ŭsio, što pieradali hramadzianam z vosieni minułaha i pieradaduć pa śniežań hetaha hodu), to atrymajecca bolš za 500 miljonaŭ dalaraŭ. Heta vializnyja hrošy.I nijakich prałazaŭ i ščylinaŭ. Va ŭsialakim vypadku, lepš, čym zabarony, jakija pry vialikim žadańni abminuć, a nie — dyk narodzić šmat prablemaŭ z sudami, doŭhabudoŭlami, zahadami i hałaŭnym bolem jak dla tych, chto ziamlu davaŭ, tak i dla tych, chto braŭ jaje ŭ zapas.
