Alaksandr Kulinkovič: «Žoŭci ŭva mnie pamienieła»
Lideru hurta Neuro Dubel zrabili aperacyju na čeraŭnuju paražninu.
Lideru hurta Neuro Dubel zrabili aperacyju na čeraŭnuju paražninu. «Skazali, kali nia vydalu žaŭciak — cipa kirdyk budzie. Ale nie pieražyvaŭ, u špitalach ja časty hość. Ciapier abiacaju być dabrejšym, žoŭci ŭva mnie pamienieła».
U bolnicu muzykant pakłaŭsia adrazu pa viartańni z kancertu hurta ŭ viciebskim amfiteatry, dzie Neuro Dubel vystupaŭ u vialikim zbornym kancercie razam ź «Lapisam Trubiackim», J:Mors i Bi‑2. Alaksandr pastaviŭsia da naviny pra aperacyju spakojna: «Skazali, kali nie vydalu žaŭciak — cipa kirdyk budzie. Ale nie pieražyvaŭ, u špitalach ja časty hość».
Aperacyja na čeraŭnuju paražninu z vydaleńniem žaŭciaka była zroblena 13 traŭnia ŭ mienskim špitali chutkaj dapamohi i prajšła paśpiachova. Muzykanta abiacajuć vypisać užo na nastupnym tydni.
Kullinkovič kaža, što nivodny ź bližejšych kancertaŭ admienieny nia budzie, ale zahadzia prosić prabačeńnia ŭ svaich prychilnikaŭ «za toje, što nia zdoleje ruchacca jak śled». Zatoje abiacaje być dabrejšym, bo «žoŭci pamienieła».
U bližejšyja tydni Neuro Dubel maje dać piać vystupaŭ. 23 traŭnia ŭ u pab‑klubie «Hrafici», 29‑ha jany buduć adnymi z chedłajneraŭ na bajkierskim oŭpen‑ejry pad Babrujskam, 1‑ha červienia vystupajuć u mienskim «Doo Dah King Bar», a 3 červienia buduć chedłajnierami na trybjut‑kancercie Vasi Šuhaleja ŭ «Reaktary».
