25% «Hladzicie biełaruskaha»
Ministr kultury Pavał Łatuška prapanuje abaviazać telekanały pakazvać 20-25 adsotkaŭ biełaruskaha kino.
Ministr kultury Pavał Łatuška prapanuje abaviazać telekanały pakazvać 20-25 adsotkaŭ biełaruskaha kino. «My chočam, kab telekanały padklučylisia da stvareńnia filmaŭ, układvali ŭ ich hrošy», — kaža v.a. dyrektara departamienta pa kiniematahrafii Andrej Byčkoŭ. Apanienty čynoŭnikaŭ narakajuć, što takaja kolkaść časam nie zusim jakasnaha i nie nadta hledziščnaha ajčynnaha kino vykliča ŭ biełaruskaj publiki tolki adrynańnie.
25% našaha — heta dobra ci kiepska? Adkazvaje aŭtar scenaroŭ da stužkach «Misteryi. Akupacyja» i «Masakra» Alaksandr Kačan.
«Naša Niva»: Jak vy staviciesia da zajavaŭ aficyjnych asobaŭ ź ministerstva kultury, kab kožny čaćviorty-piaty film na biełaruskich kanałach byŭ ajčynnaj vytvorčaści?
Alaksandr Kačan: Stanoŭča. Kino patrebny hledačy. I kali ich koła pašyrajecca, dyk ja tolki za. Adno patrabavańnie, kab novyja filmy, jakija buduć zdymacca, byli na naležnym mastackim uzroŭni. Kab ich rabili nie adno aby zasvoić hrošy. I ŭ hetaj spravie šmat čaho budzie zaležyć ad dziaržavy: u našaj krainie ŭ halinie kinamastactva vyrašaje pa-raniejšamu jana: kaho zrabić zapatrabavanym, a kaho — nie.
«NN»: A ci rasparadžeńnie pa pavialičeńni kolkaści ajčynnych filmaŭ na telekanałach pavialičeńniu filmaŭ dadaść filmaŭ źniatych pa biełaruskaj tematycy, i ci pabolšaje biełaruskaj movy na ekranie?
AK: Niejkija zruchi jość užo i ciapier, to bok pakul takoha rasparadžeńnia jašče nie pryniataje. Pavialičyłasia kolkaść scenaroŭ na čysta biełaruskuju tematyku. Što da biełaruskaj movy, dyk na maju dumku biełaruskuju movu ŭ sučasnych haradskich dyjałohach budzie hučać nie vielmi naturalna, ja nie nadta heta padtrymlivaju, ale ŭ histaryčnych filmach, viadoma, tut treba zrabić, kab mova hučała napoŭnicu.
«NN»: Kolki hadoŭ tamu rasijcy zrabili toje samaje, zaabaviazali telekanały pakazvać ajčynnaje, i pa katorym časie rasiejskija sieryjały vycieśnili zamiežnyja.
AK: U halinie sieryjałaŭ ja by nie byŭ taki adnaznačny. Tak, u Rasii heta dało pracu rasijskim režysioram i aktoram. Ale ź inšaha boku mocna źniziŭsia mastacki ŭzrovień hetych sieryjałaŭ. U dadatak, ciapier, kali režysior zdymaje mastacki film, dyk pad upłyvam sieryjałaŭ, aŭtamatyčna panižajecca uzrovień jaho pretenzijaŭ na jakasnaje kino.
«NN»: Sp-r Alaksandr, vy stała žyviacie va Ŭkrainie, bačycie tamtejšy kinapraces zblizku, a što adbyvajecca z mastackim kino va Ŭkrainie?
AK: Pry ŭsim nacyjanalnym pafasie, jaki panuje tut, mastackaje kino Ŭkrainy da žalu znachodzicca ŭ zaniadbanym stanie. Moža, być jašče horšym stanie, čym u Biełarusi. Adna z pryčynaŭ: dziaržava robić staŭku na starych režysioraŭ, pik patencyjału jakich daŭno vyčarpany. Tamu, hledziačy na ŭkraincaŭ, chaču skazać, što mała być nacyjanalna śviadamym kiniematahrafistam, treba być jašče i prafiesijanałam.
