Vybary novaha staršyni Fiederacyi chakieja pryznačanyja na 18 sakavika
Pazačarhovaja vybarčaja kanfierencyja Asacyjacyi «Fiederacyja chakieja Respubliki Biełaruś» pieranosicca z 15 na 18 sakavika,
paviedamili ŭ pres‑słužbie FCHRB. Kanfierencyja projdzie ŭ kanfierenc‑zale staličnaha Doma Futboła (praśpiekt Pieramožcaŭ 20, korp. 3). Pačatak rehistracyi ŭdzielnikaŭ a 14.00, pačatak samoj kanfierencyi — a 15.00.
Pakul adzinym kandydatam na pasadu kiraŭnika biełaruskaha chakieja źjaŭlajecca były ministr sportu i turyzmu Biełarusi Jaŭhien Vorsin,
jakoha vyłučyli Homielskaje abłasnoje hramadskaje abjadnańnie «Fiederacyja chakieja», a taksama administracyja i trenierski kalektyŭ chakiejnaha kłuba «Homiel».
Pavodle statutu, termin vyłučeńnia kandydataŭ na ŭdzieł u vybarach staršyni FCHRB zaviaršajecca za 5 dzion da pačatku kanfierencyi, to bok da 13 sakavika ŭklučna.
Jak viadoma, 21 studzienia na niečarhovaj kanfierencyi Uładzimir Navumaŭ skłaŭ ź siabie paŭnamoctvy staršyni FCHRB, adnak novy kiraŭnik abrany nie byŭ, i časovym vykanaŭcam abaviazkaŭ staršyni staŭ spartyŭny dyrektar fiederacyi Uładzimir Švaboŭski.
Kandydat na pasadu novaha staršyni nacyjanalnaj chakiejnaj fiederacyi Jaŭhien Vorsin naradziŭsia ŭ 1948 hodzie ŭ horadzie Uljanaŭsk, dzie hulaŭ u chakiej ź miačom za miascovuju «Vołhu» i pracavaŭ vučniem ślesara na mašynabudaŭničym zavodzie. Paśla słužby ŭ vojsku skončyŭ Biełaruski dziaržaŭny instytut fizkultury. Pierajechaŭšy ŭ Biełaruś, Vorsin hulaŭ u chakiej z šajbaj za minskija SKIF (u pieršynstvie BSSR) i «Tarpieda» (ŭ druhoj lizie čempijanata SSSR). Pracavaŭ u adździele futboła sportkamiteta BSSR, źjaŭlaŭsia načalnikam sportupravlenija Ministerstva adukacyi. Z krasavika 1999‑ha pa śniežań 2002 hoda byŭ ministram sportu i turyzmu Biełarusi, paśla čaho pracavaŭ u strukturach SND i JeŭrAzES (Jeŭrazijskaj ekanamičnaj supolnaści). Zaraz źjaŭlajecca namieśnikam hienieralnaha sakratara JeŭrAzES.
U roznyja hady Fiederacyju chakieja Biełarusi ŭznačalvali Jaŭhien Ankuda, Leŭ Kantarovič, Jury Barodzič i Uładzimir Navumaŭ.