NAK Ukrainy śćviardžaje pra parušeńnie biełaruskimi i rasijskimi spartsmienami pravił niejtralitetu
Nacyjanalny alimpijski kamitet Ukrainy 7 lutaha źviarnuŭsia ŭ Mižnarodny alimpijski kamitet (MAK) z prośbaj rasśledavać udzieł rasijskich i biełaruskich spartsmienaŭ u Alimpijskich hulniach u Paryžy paśla mierkavanaha parušeńnia imi niejtralitetu.
Vadzim Hutcajt. Fota: skrynšot z t.me/minmolodsport
«Ja chacieŭ by jašče raz źviarnucca da vas pa pytańni patencyjnaha ŭdziełu spartsmienaŭ AIN (niejtralnych indyvidualnych spartsmienaŭ) z rasijskimi i biełaruskimi pašpartami, u pryvatnaści — tych, chto vystupaje ŭ spartyŭnaj baraćbie, u Alimpijskich hulniach u Paryžy 2024 hoda, i zachavańnia imi rekamiendavanych MAK umoŭ udziełu», — napisaŭ prezident NAK Ukrainy Vadzim Hutcajt u liście kiraŭniku MAK Tomasu Bachu, apublikavanym na jaho sajcie ŭ 7 lutaha.
U śniežni MAK zajaviŭ, što rasijskija i biełaruskija spartsmieny, jakija pretendujuć na ŭdzieł u Alimpijskich hulniach 2024 hoda, mohuć pryniać udzieł u asobnych vidach sportu ŭ jakaści niejtralnych spartsmienaŭ, h.zn. biez nacyjanalnych ściahoŭ, emblem i himnaŭ svaich krain. Kožny spartsmien pavinien adpaviadać peŭnym umovam, siarod jakich — adsutnaść aktyŭnaj padtrymki vajny va Ukrainie. Jany taksama nie mohuć pracavać pa kantrakcie ŭ rasijskich ci biełaruskich siłavych strukturach.
«My chacieli b źviarnucca da MAK z prośbaj źviarnuć asablivuju ŭvahu na hetyja pytańni», — dadaŭ Hutcajt, prykłaŭšy śpis spartsmienaŭ, jakija, na dumku NAK Ukrainy, nie adpaviadajuć patrabavańniam MAK pa niejtralitetu.
Alimpijskija hulni ŭ Paryžy majuć prajści z 26 lipienia pa 11 žniŭnia.
Čytajcie taksama:
Na Alimpijadu ŭ Paryžy moža patrapić lohkaatletka ź Biełarusi. Ale nieabchodny dazvoł Dudy
Mižnarodny alimpijski kamitet jašče raz pravieryć imavierny dopusk biełarusaŭ na Alimpijadu
Jašče 14 biełaruskich spartoŭcaŭ atrymali niejtralny status. Ale nie śpiašajciesia radavacca
Chto ad Biełarusi ŭžo adabraŭsia na Alimpijadu-2024, a chto jašče moža pajechać
Lohkaatletaŭ ź Biełarusi i Rasii na Alimpijadzie nie budzie — prezident World Athletics
