Pastuchoŭ piroh — nieŭmiručaja kłasika

Fota: janinewhitling.com.au

Dla nižniaj častki:

• 1 cybulina, drobna parezanaja
• 400 h faršu z baraniny
• 2 stałovyja łyžki muki
• 2 morkvy (pryblizna 100 h kožnaja), ababranyja, drobna naciortyja
• 2 kabački (pryblizna 175 h kožny), ababranyja, drobna naciortyja
• 400 h kansiervavanych narezanych pamidoraŭ
• 2 stałovyja łyžki tamatnaha piure
• 200 mł vady, jakaja tolki što zakipieła
• ½ čajnaj łyžki sušanaj sumiesi traŭ
• 1 kubik bulonu
• sol i śviežamołaty čorny pierac

Dla vierchniaj častki:

• 800 h sopkaj bulby, ababranaj i narezanaj kubikami
• 50 h masła
• 4 stałovyja łyžki małaka
• 100 h syru čedar (ci inšaha), naciortaha na bujnoj tarcy
• 1 nievialikaja kviacistaja kapusta (pryblizna 650 h), abrezanaja, bieź ściobłaŭ, drobna naciortaja

Jak hatavać:

1. Razahrejcie duchoŭku da 200°C.
2. Nahrejcie vialikuju patelniu z antypryharnym pakryćciom na siarednim ahni. Dadajcie cybulu i farš i absmažvajcie 8-10 chvilin, rehularna pamiešvajučy, pakul farš nie padrumianicca.
3. Pasypcie farš mukoj i dobra pieramiašajcie. Dadajcie morkvu, kabački, pamidory, tamatnaje piure, vadu i zielaninu i jašče raz pieramiašajcie. Raskryšycie bulonny kubik, prypraŭcie sollu i piercam.
4. Daviadzicie da kipieńnia, zatym varycie 25—30 chvilin, rehularna pamiešvajučy, pakul padliŭka nie zahuśnie i harodnina amal całkam nie razvarycca.
5. Tym časam daviadzicie da kipieńnia kastrulu z vadoj. Dadajcie bulbu i varycie 15—20 chvilin ci pakul jana nie stanie miakkaj, ale pry hetym jašče nie budzie razvalvacca.
6. Pierakładzicie sumieś dla načyńnia ŭ niehłybokuju haračatryvałuju formu abjomam 2 litry i pastaŭcie hetu formu na blachu.
7. Źlicie vadu z bulby i viarnicie bulbu ŭ rondal. Dadajcie masła i razamnicie da atrymańnia adnastajnaj masy, zatym dadajcie małako i pałovu syru. Dadajcie kviacistuju kapustu, prypraŭcie sollu i piercam. Pry nieabchodnaści dadajcie jašče krychu małaka.
8. Vykładzicie piure na baraninu i raŭnamierna raźmiarkujecie. Pasypcie syram, jaki zastaŭsia. Zapiakajcie 25-30 chvilin abo pakul syr nie raspłavicca i nie stanie załacista-karyčnievym, a načyńnie nie pačnie bulkatać.

A voś recept pastuchovaha piraha ź jałavičynaj: Recept na vychodnyja: pastuchoŭ piroh

Bolš receptaŭ:

Lohkaje leča ź indyčkaj. Recept i sakrety hatavańnia

Zapiakanka ź ciortaj bulby z harodninaj

Recept na vychadnyja. Hrečaskaja zapiakanka pastycya — zornaja strava mižziemnamorskaj kuchni

Padsmažany chleb z morkvaj i tvarožnym syram

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

8

1

0

4

2

4