Isłandyja dumaje admovicca ad udziełu ŭ Jeŭrabačańni-2024 z-za Izraila
Isłandyja nie ŭpieršyniu vystupaje suprać udziełu Izraila ŭ konkursie. Naprykład, u 2019 hodzie jana piarečyła suprać praviadzieńnia finału konkursu ŭ Jerusalimie.
Jochana — udzielnica «Jeŭrabačańnia» ad Isłandyi ŭ 2009 hodzie, dzie jana zaniała 2-je miesca. Fota sa staronki Isłandyi ŭ instahramie.
Isłandskaja telekampanija RÚV abviaściła na svaim sajcie, što kančatkovaje rašeńnie ab udziele ŭ piesiennym konkursie «Jeŭrabačańnie-2024» budzie pryniata paśla kansultacyi ź pieramožcam Nacyjanalnaha konkursu Söngvakeppnin 2024, piša newsru.co.il.
Telekampanija paviedamiła, što sumnievy ŭ metazhodnaści ŭdziełu pradstaŭnika Isłandyi ŭ mižnarodnym piesiennym konkursie ŭźnikli z-za vajny ŭ siektary Haza i niezadavolenaści mnohich isłandskich hledačoŭ tym, što Izrail budzie ŭdzielničać u konkursie.
Jašče ŭ śniežni Asacyjacyja kampazitaraŭ i aŭtaraŭ piesiennych tekstaŭ Isłandyi źviarnułasia da Nacyjanalnaha ŭpraŭleńnia teleradyjoviaščańnia z patrabavańniem bajkatavać «Jeŭrabačańnie-2024» u znak pratestu suprać udziełu Izraila.
«My ŭsie abaviazany vystupić suprać vajny i zabojstva mirnych žycharoŭ i niavinnych dziaciej. U nas jość vybar, budź my pryvatnymi asobami abo dziaržaŭnaj ustanovaj, kab nie hańbić svajho imia», — havaryłasia ŭ zajavie, apublikavanaj asacyjacyjaj u jaje Facebook.
Isłandyja nie ŭpieršyniu vystupaje suprać udziełu Izraila ŭ konkursie. Naprykład, u 2019 hodzie jana piarečyła suprać praviadzieńnia finału konkursu ŭ Jerusalimie.
U pačatku śniežnia Jeŭrapiejski viaščalny sajuz apublikavaŭ adkaz srodkam masavaj infarmacyi i viaščalnikam u roznych krainach, jakija prasili zabaranić Izrailu ŭdzieł u piesiennym konkursie. U adkazie paviedamlałasia, što Izrail adpaviadaje ŭsim patrabavańniam konkursu i budzie sioleta ŭdzielničać naroŭni z 36-ju inšymi ŭdzielnikami.
Jeŭrabačańnie-2024 projdzie ŭ šviedskim Malmio ŭ mai paśla druhoj pieramohi na konkursie Loreen.
