U Minsku prajšoŭ kancert Šałkieviča
Asabliva burnuju reakcyju ŭ zali vyklikała novaja pieśnia pra cyhanoŭ i Słavianski bazar, jakaja maje ŭsie šansy paŭtaryć šalony pośpiech Tavaryša Sapiehi.
Viečaram 11 śniežnia ŭ DK Vieteranaŭ było šmatludna. Kancertnaja zała zapoŭniłasia całkam. I nie tolki moładździu, jak toje byvaje padčas vystupaŭ rok-hurtoŭ. Adčuvałasia, što Viktar Šałkievič maje svajho stałaha słuchača siarod pradstaŭnikoŭ roznych pakaleńniaŭ – ad małoha da staroha.
I čakańni hetaj raznastajnaj publiki całkam apraŭdalisia. Šałkievič śpiavaŭ pra Vałožyn i Mahiloŭ, pra niaŭdałaje kachańnie da žančyny-ałkahalički i pra palitemihranta ŭ Šviecyi, jaki nie choča viartacca dadomu.
Asabliva burnuju reakcyju ŭ zali vyklikała novaja pieśnia pra cyhanoŭ i Słavianski bazar, jakaja maje ŭsie šansy paŭtaryć šalony pośpiech Tavaryša Sapiehi.
Skančaŭsia amal dźviuchhadzinny vystup «Karotkaj historyjaj Biełarusi». Publika raźvitvałasia sa śpievakom stojačy. A jon abiacaŭ pryjechać iznoŭ. U sakaviku 2010 hoda Viktar Šałkievič prezientuje novy albom.
