«Dalejšaja eskałacyja i čarhovaja pravakacyja». U ES prakamientavali padpisańnie Biełaruśsiu i Rasijaj dakumientaŭ ab jadziernaj zbroi
Jeŭrasajuz budzie ŭvažliva sačyć za raźmiaščeńniem jadziernaj zbroi ŭ Biełarusi. Pra heta na štodzionnaj pres-kanfierencyi zajaviŭ pradstaŭnik Jeŭrapiejskaj słužby źniešnich dziejańniaŭ Pieter Stana, adkazvajučy na pytańnie ab reakcyi ES na padpisanyja siońnia dakumienty, pieradaje reform.by.
Pradstaŭnik Jeŭrapiejskaj słužby źniešnich dziejańniaŭ Pieter Stana
«Jeŭrapiejski Sajuz užo adreahavaŭ, kali abiedźvie krainy abjavili ab namiery zrabić heta, tak što jany prosta praciahvajuć. I, viadoma, heta nie krok da deeskałacyi. Heta nie krok da źnižeńnia napružanaści. Heta toje, što tolki pavialičvaje napružanaść, jakuju možna razhladać i ŭ kantekście niezakonnaj ahresii Rasii i supracoŭnictva Biełarusi ŭ joj — heta dalejšaja eskałacyja i čarhovaja pravakacyja. Jeŭrapiejski sajuz, kaniečnie, budzie vielmi ŭvažliva sačyć za tym, jak heta realizujecca, i my budziem reahavać adpaviednym čynam», — skazaŭ jon.
Siońnia ministry abarony Biełarusi i Rasii Viktar Chrenin i Siarhiej Šajhu padpisali dakumienty, jakimi vyznačajecca paradak raźmiaščeńnia ŭ našaj krainie rasijskaj niestratehičnaj jadziernaj zbroi. Šajhu pry hetym padkreśliŭ, što kantrol za zbrojaj, a taksama pryniaćcie rašeńniaŭ ab prymianieńni zastajucca za Rasijaj.
Čytajcie taksama:
Biełarusi moža źjavicca i stratehičnaja jadziernaja zbroja — Chrenin
Pucin płanuje jadzierny ŭdar pa Uschodniaj Jeŭropie z terytoryi Biełarusi — Fialštynski
