Pakazany prajekt samaha vialikaha łajniera ŭ historyi FOTY
Amierykanskaja kruiznaja kampanija Royal Caribbean pakazała prajekt kruiznaha łajniera «Ikona moraŭ» (Icon of the Seas), jaki pavinien stać najbujniejšym u śviecie. Hety tytuł jon adbiare ŭ inšaha sudna kampanii «Cud moraŭ».
Jak paviedamlajecca na sajcie kampanii, łajnier pavinien adpravicca ŭ pieršaje padarožža ŭ studzieni 2024 hoda i budzie prapanoŭvać šyroki vybar pasłuh i zabaŭ — ad plažnaha adpačynku da akvaparku, jak dla siemjaŭ, tak i dla par abo kampanij. Braniravać miescy ŭžo možna ciapier.
Na sudnie budzie siem basiejnaŭ, dzieviać džakuzi, šeść vodnych horak, bolš za sorak restaranaŭ, baraŭ i načnych kłubaŭ.
A ŭ cełym terytoryja łajniera budzie padzielena na piać «rajonaŭ»: Thrill Island z samym vialikim «akvaparkam u mory» dla aktyŭnaha adpačynku, Chill Island z basiejnami i barami dla rassłablenaha adpačynku, Surfside dla siamiejnaha adpačynku, The Hideaway ź imitacyjaj plažnaha adpačynku i AquaDome dla viačerniaha zabaŭlalnaha adpačynku.
«Ikona moraŭ» budzie adpraŭlacca z Majami (ZŠA) u tydniovaje padarožža na ŭschodnija i zachodnija Karyby, u tym liku zajazdžajučy na Bahamskija astravy, u Mieksiku, Sien-Marten i Handuras.
Techničnyja charaktarystyki novaha sudna:
Tanaž: 250 800 ton;
Daŭžynia: 365 mietraŭ;
Kolkaść kajut: 2805;
Ekipaž: 2350 čałaviek.
Kolkaść pasažyraŭ: 5610.
Łajnier stanie pieršym sudnam kampanii, jakija vykarystoŭvajuć u jakaści paliva zvadkavany pryrodny haz.
