Na stadyjonie «Dynama» ŭ Minsku da vosieni abiacajuć adkryć skaładrom
Rychtujecca da adkryćcia samy bujny ŭ Biełarusi skaładrom. Jon raźmieščany ŭ centry Minska na terytoryi stadyjona «Dynama», zapusk jaho zapłanavany na vosień hetaha hoda, paviedamlaje ahienctva «Minsk-Naviny».
Užo abstalavanaja vialikaja zała dla zaniatkaŭ z admysłovymi macavańniami, začepami, karabinami na ścienach. Praduhledžana niekalki tras roznaha ŭzroŭniu składanaści — i dla alpinistaŭ-pačatkoŭcaŭ, i dla prafiesijanałaŭ. A pakolki skałałazańnie ŭvachodzić u prahramu Alimpijady, pabudavanaja i alimpijskaja trasa, raskazaŭ dyrektar stadyjona Alaksandr But-Husaim.
Zajmacca na skaładromie zmohuć dzieci sa spartškoł, prafiesijnyja spartsmieny i amatary sa sportkłubaŭ. Taksama płanujecca, što abjekt možna budzie arandavać dla karparatyvaŭ i śviataŭ.
Zaraz na skaładromie nie chapaje jašče niekatoraha abstalavańnia: strachovak, mataŭ, karabinaŭ, viarovak, skałałaznych tuflaŭ i inšaha. Dyrektar spadziajecca, što zaviaršyć zakupki atrymajecca da vieraśnia-kastryčnika, paśla hetaha skaładrom možna budzie adkryvać.
Akramia taho, raskazaŭ But-Husaim, na terytoryi «Dynama» pabudavany jašče i cir. Užo amal zavieršanaja jaho pryjomka, prapracoŭvajecca pytańnie raźmiaščeńnia novych spartyŭnych škoł.
a možno vopros? a eto biespłatnyje budut sportivnyje škoły, kružki i siekcii dla moich dietiej?
https://nashaniva.com/ru/295375