На стадыёне «Дынама» ў Мінску да восені абяцаюць адкрыць скаладром
Рыхтуецца да адкрыцця самы буйны ў Беларусі скаладром. Ён размешчаны ў цэнтры Мінска на тэрыторыі стадыёна «Дынама», запуск яго запланаваны на восень гэтага года, паведамляе агенцтва «Мінск-Навіны».
Ужо абсталяваная вялікая зала для заняткаў з адмысловымі мацаваннямі, зачэпамі, карабінамі на сценах. Прадугледжана некалькі трас рознага ўзроўню складанасці — і для альпіністаў-пачаткоўцаў, і для прафесіяналаў. А паколькі скалалазанне ўваходзіць у праграму Алімпіяды, пабудаваная і алімпійская траса, расказаў дырэктар стадыёна Аляксандр Бут-Гусаім.
Займацца на скаладроме змогуць дзеці са спартшкол, прафесійныя спартсмены і аматары са спортклубаў. Таксама плануецца, што аб'ект можна будзе арандаваць для карпаратываў і святаў.
Зараз на скаладроме не хапае яшчэ некаторага абсталявання: страховак, матаў, карабінаў, вяровак, скалалазных туфляў і іншага. Дырэктар спадзяецца, што завяршыць закупкі атрымаецца да верасня-кастрычніка, пасля гэтага скаладром можна будзе адкрываць.
Акрамя таго, расказаў Бут-Гусаім, на тэрыторыі «Дынама» пабудаваны яшчэ і цір. Ужо амаль завершаная яго прыёмка, прапрацоўваецца пытанне размяшчэння новых спартыўных школ.
а можно вопрос? а это бесплатные будут спортивные школы, кружки и секции для моих детей?
https://nashaniva.com/ru/295375