Paciarpiełyja — 13 supracoŭnikaŭ «Ałmaza». Minčuku dali čatyry hady kałonii za «Partyzanski marš»
U sudzie Frunzienskaha rajona Minska abviaścili prysud 53-hadovamu Mikałaju Dzienisieviču, jaki abvinavačvaŭsia ŭ aktyŭnym udziele ŭ dziejańniach, što hruba parušajuć hramadski paradak, naŭmysnym paškodžańni majomaści, pahrozie ŭžyvańnia hvałtu ŭ dačynieńni da siłavikoŭ, paviedamlaje spring96.org.
Fota Mikałaja Dzienisieviča ź siamiejnaha archiva
Pa viersii abvinavačvańnia, 18 kastryčnika minułaha hoda padčas niesankcyjanavanaha «Partyzanskaha maršu» minčuk kidaŭ u słužbovyja aŭtamabili siłavikoŭ kamiani, kavałki asfaltu i inšyja pradmiety. Hetyja dziejańni kvalifikavali jak pahrozu prymianieńnia hvałtu. Paciarpiełymi vystupali 13 supracoŭnikaŭ «Ałmaza».
Ź ich u sudzie dapytali tolki traich. Jany vystupali ŭ bałakłavach pad vydumanymi imionami.
Mikałaj Dzienisievič vinu pryznaŭ u poŭnym abjomie, ale patłumačyŭ, što jon zrabiŭ tolki dva «simvaličnyja kidki».
U vyniku sudździa pryznaŭ mužčynu vinavatym i pryznačyŭ čatyry hady kałonii ahulnaha režymu.