Maryja Kaleśnikava ŭznaharodžanaja polskaj premijaj imia Jana Karskaha
U aŭtorak u Varšavie čalca prezidyuma Kaardynacyjnaj rady Maryju Kaleśnikavu ŭznaharodzili premijaj «Duch Jana Karskaha» za abaronu pravoŭ čałavieka. Za jaje premiju atrymała jaje siastra Taćciana Chomič. Maryja ad 9 vieraśnia znachodzicca ŭ turmie.
«Kaleśnikava — adna z hierainiaŭ vialikaj mirnaj baraćby za svabodu ŭ Biełarusi. Ciažka ŭjavić bolš vartuju atrymalnicu hetaj uznaharody. My vyrašyli adznačyć niazłomny supraciŭ Kaleśnikavaj i jaje śmiełaść patrabavać hramadzianskich pravoŭ dla aktyvistaŭ, jakich pieraśledujuć», — adznačyŭ brytanski historyk, zasnavalnik adukacyjnaha fondu imia Jana Karskaha, prafiesar Cimaci Hartan Eš.
Premijaj Jana Karskaha, udzielnika polskaha ruchu Supracivu, adznačajucca asablivyja zasłuhi ludziej u śfiery abarony pravoŭ i hodnaści čałavieka, baraćby suprać rasizmu, abarony etničnych i relihijnych hrupaŭ i suvierennych nacyj, kab pabudavać adkrytaje i talerantnaje hramadstva.