Va Ušačach pačali mantaž pomnikaŭ Bykavu i Baradulinu
U centry Ušačaŭ na Viciebščynie ŭstaloŭvajuć biusty vybitnym naradžencam hetych miaścin — litarataram Vasilu Bykavu i Ryhoru Baradulinu. Abodva — hanarovyja hramadzianie Ušackaha rajona.
Arhanizacyjnyja vysiłki ŭziaŭ na siabie hramadski aktyvist Hleb Łabadzienka. U jahonym aktyvie ceły šerah realizavanych prajektaŭ dziela ŭšanavańnia pamiaci vybitnych histaryčnych postaciaŭ, u tym liku manumient Tadevušu Kaściušku ŭ Mieračoŭščynie, vałun na mahile Ryhora Baradulina, inšyja pomniki i bareljefy, piša Radyjo Svaboda.
Pastamienty pomnikaŭ aŭtarstva Ihara Zasimoviča
Aŭtar pomnikaŭ ušackim tvorcam — viadomy biełaruski skulptar Ihar Zasimovič, ź jakim u Hleba Łabadzienki daŭniaja i plonnaja supraca.
Realizacyja prajektu prymierkavanaja da dnia naradžeńnia Vasila Bykava, jaki budzie adznačacca 19 červienia.
Letaś Hleb Łabadzienka abviaściŭ zbor srodkaŭ na vyrab pomnikaŭ, ich dastaŭku i mantaž. Tady ž jon atrymaŭ dazvoł ad Vušackaha rajvykankamu na ŭstanoŭku biustaŭ u centry Ušačaŭ.
