Na vybarach u Pieru levy radykał pieramahaje dačku dyktatara, pieravaha — 0,198%
Pradstaŭnik levaradykalnaj partyi «Volnaje Pieru» Piedra Kastyljo atrymlivaje pieramohu na prezidenckich vybarach u krainie, piša TASS.
Padličana pakul kala 99,2% biuleteniaŭ. Za Kastyljo prahałasavali 8 800 081 vybarščyk (50,198%). Jaho apanientku Kiejku Fuchimory z pravaj partyi «Narodnaja siła» padtrymali 8 730 535 vybarščykaŭ (49,802%). Bolš za 25% vybarcaŭ (6,3 młn) nie źjavilisia na ŭčastkach.
Ad pačatku padliku hałasoŭ ź nievialikaj pieravahaj lidziravała Fuchimory. Kastyljo nie pryznavaŭ parazy i zaklikaŭ prychilnikaŭ zachoŭvać spakoj, prapanoŭvajučy dačakacca zaviaršeńnia apracoŭki biuleteniaŭ u sielskaj miascovaści. Pry hetym pradstaŭniki levaradykalnaj partyi zapatrabavali ad CVK vieści maksimalna pilny padlik usich hałasoŭ.
Abrany prezident Pieru ŭstupić u pasadu 28 lipienia. Jaho termin paŭnamoctvaŭ składaje piać hadoŭ.