Pašynian aficyjna prapanavaŭ Baku abmianiać svajho syna na armianskich vajennapałonnych
V. a. premjer-ministra Armienii Nikoł Pašynian hatovy abmianiać svajho syna Ašota na ŭsich pałonnych armian, jakija paśla zakančeńnia vajny ŭ Nahornym Karabachu znachodziacca ŭ Azierbajdžanie.
Nikoł Pašynian. Fota Alaksandra Rumina, TASS
Pra heta jon zajaviŭ, adkazvajučy na krytyku z boku eks-prezidenta krainy Sierža Sarhsiana, piša panarmenian.net.
Raniej Sarhsian prapanavaŭ abmianiać na pałonnych syna premjera, zajaviŭšy, što ŭ takim vypadku Pašynian štodnia budzie zajmacca pytańniem viartańnia armianskich vajennapałonnych. «Niachaj svajho Ašota abmianiaje na 20-25 sałdat, jakija ŭtrymlivajucca ŭ Azierbajdžanie», — kazaŭ tady Sarhsian.
«Kažu (Ilchamu) Alijevu aficyjna: prapanuju syna ŭ abmien na ŭsich pałonnych», — zajaviŭ paśla Pašynian.
Pašynian padkreśliŭ, što jaho prapanova pra abmien syna na pałonnych nie źjaŭlajecca emacyjnaj, a aficyjnaj. I jon čakaje aficyjnaha adkazu ad Baku.
Raniej Ašot Pašynian sam zajaviŭ, što hatovy pajechać u Baku ŭ abmien na ŭsich pałonnych. Padčas kanfliktu ŭ Narodnym Karabachu vosieńniu 2020 hoda jon zapisaŭsia dobraachvotnikam.
