Na «Piaty elemient» nakinulisia za pakaz intervju Pratasieviča. Kampanija tłumačyć, što heta było
Učora ŭ siecivie nakinulisia na sietku kramaŭ techniki «Piaty elemient» — niechta zaŭvažyŭ tvar Ramana Pratasieviča na demanstracyjnych televizarach. Heta byŭ momant ź viekapomnaha intervju ANT.
Što heta było?
U kampanii prakamientavali situacyju.
«Na vystavačnych televizarach mohuć pakazvacca rekłamnyja roliki vytvorcaŭ, rekłamnyja roliki «Piataha elemienta» albo tranślavacca telekanały. Meta — pakazać pakupnikam jakaść karcinki.
Raskład pakazaŭ rekłamy i pieraklučeńnia na tranślacyi TB centralizavany i aŭtamatyzavany dla ŭsich kram. My nie tranślujem vybaračnyja roliki z teleefiru, vybaračnyja pieradačy ci intervju. A taksama ad nas nie zaležyć, što tranślujecca pa dziaržaŭnych kanałach», — skazali ŭ «Piatym elemiencie».
Imavierna, u čas, kali zroblena fota, u efiry ANT tranślavałasia prahrama «Stop fejk».