Paśla pažaru ŭ domie ŭ Kryčavie znajšli trup piensijanierki. Syn pryznaŭsia, što zadušyŭ jaje
Ranicaj 3 červienia ŭ ekstrannyja słužby paviedamili pra pažar u pryvatnym domie ŭ Kryčavie. Unutry supracoŭniki MNS znajšli cieła 79-hadovaj haspadyni doma, paviedamlaje Śledčy kamitet.
Na miesca vybyła śledča-apieratyŭnaja hrupa. Ahledzieŭšy cieła zahinułaj, śledčyja vysunuli viersiju pra kryminalny charaktar śmierci. Sudova-miedycynskaja ekśpiertyza heta paćvierdziła — śmierć žančyny nastupiła ad zadušvańnia.
Pa padazreńni ŭ ździajśnieńni zabojstva zatrymany 55-hadovy syn paciarpiełaj. Na dopycie mužčyna raspavioŭ śledčamu, što pamiž im i maci adbyŭsia kanflikt, paśla čaho jon zadušyŭ žančynu paduškaj.
Zaviali kryminalnuju spravu pa p. 2 č. 2 art.139 (Zabojstva zaviedama sastarełaj asoby) Kryminalnaha kodeksa, mužčynu ŭziali pad vartu.
Padazravany znachodzicca na śpiecyjalizavanym uliku ŭ psichijatra. Raniej da jaho ŭžyvalisia miery prymusovaha lačeńnia.