Łukašenka: Kali treba budzie, pabudujem i druhuju AES
Alaksandr Łukašenka ličyć, što za atamnymi elektrastancyjami budučynia, pakolki ŭvieś śviet pierachodzić z naftapraduktaŭ na elektryčnaść. Pry nieabchodnaści ŭ dadatak da Biełaruskaj AES mohuć pabudavać i druhuju.
BiełTA
Ab hetym jon zajaviŭ na sustrečy z členami ŭrada, pieradaje BiełTA.
«Treba budzie-pabudujem i druhuju atamnuju stancyju. U hetym usia pierśpiektyva. Nas uvieś čas krytykavaŭ Zachad, asabliva našy susiedzi: «Ach, stancyja, biaśpieka i inšaje». A sami zapłanavali budaŭnictva stancyj», — adznačyŭ Łukašenka.
Pavodle jaho słoŭ, raniej «Litva ledź pramaŭlała heta», a ciapier užo i sama zadumałasia ab budaŭnictvie.
«I Polšča płanuje budavać, usie astatnija abo budujuć, ci ŭžo pabudavali. Tamu atamnaja enierhija — heta budučynia. I, dziakuj bohu, što my ŭ svoj čas uzialisia za hetuju prablemu, adhadali, što treba hetym zajmacca. Heta pierśpiektyva, vysokija technałohii», - dadaŭ Łukašenka.
