Kiraŭnik Wizz Air asudziŭ krainy Jeŭropy za zabaronu na paloty nad Biełaruśsiu
Hienieralny dyrektar vienhierskaj avijakampanii Wizz Air Jožef Varadzi asudziŭ ułady jeŭrapiejskich krain za zabaronu na paloty nad Biełaruśsiu ŭ suviazi ź incydentam z samalotam Ryanair. Jon ličyć, što padobnyja kroki robiać avijacyju «cackaj palityki».
Wikimedia Commons
Pra heta paviedamlaje lenta.ru sa spasyłkaj na Reuters.
Na dumku kiraŭnika Wizz Air, padčas pasadki samalota Ryanair u Minsku «nie adbyłosia ničoha, što mahło b pastavić pad pahrozu biaśpieku palotu».
Varadzi paličyŭ niapravilnaj reakcyju Jeŭrasajuza i nazvaŭ uviedzienuju zabaronu na paloty nad Biełaruśsiu palityčnaj mieraj, jakuju, jak jon miarkuje, nielha ŭsprymać jak krok, nakiravany na harantavańnie biaśpieki.
«Ja nie dumaju, što avijacyja pavinna vykarystoŭvacca jak srodak dla palityčnych sankcyj», — zajaviŭ Varadzi.
Jon dadaŭ, što padobnaje razmyvańnie dypłamatyčnych mierkavańniaŭ i mier biaśpieki zdolna niehatyŭna paŭpłyvać na suśvietnuju avijacyjnuju halinu, jakaja pieražyvaje składanyja časy na fonie pandemii karanavirusa.
