Kryminalnuju spravu 47-hadovaj žycharki Baraŭlan ab paklopie na hienprakurora pieradali ŭ sud
Hienieralnaja prakuratura nakiravała ŭ sud kryminalnuju spravu pa abvinavačvańni 47-hadovaj žančyny ŭ paklopie na hienieralnaha prakurora Andreja Švieda pa art. 188 KK, piša BiełTA.
«Žančyna ŭ adnym z publičnych čataŭ Telegram-kanała 1 lutaha 2021 hoda, znachodziačysia ŭ siabie doma ŭ vioscy Baraŭlany Minskaha rajona, stvaryła i raspaŭsiudziła dla ahladu nieabmiežavanaj kolkaści karystalnikaŭ miesiendžara infarmacyju, jakaja nie adpaviadała rečaisnaści. U joj utrymlivalisia zahadzia łžyvyja źviestki, što hańbujuć paciarpiełaha i prymianšajuć jaho honar i hodnaść jak hramadzianina i słužbovaj asoby ŭ suviazi z ažyćciaŭleńniem im słužbovaj dziejnaści», — raspaviali ŭ Hienprakuratury.
Kryminalnuju spravu raspačało i rasśledavała Upraŭleńnie ŭłasnaj biaśpieki Hienprakuratury.
Žančyna pad padpiskaj ab niavyjeździe. Pa kryminalnym artykule joj pahražaje štraf ci papraŭčyja raboty na termin da dvuch hadoŭ abo aryšt ci abmiežavańnie voli da troch hadoŭ.
