Izrail źniaŭ amal usie karancinnyja abmiežavańni. Kraina viartajecca da narmalnaha žyćcia
U Izraili z 1 červienia admianiajucca amal usie karancinnyja abmiežavańni, uviedzienyja z-za karanavirusnaj infiekcyi.
Olivier Fitoussi/Flash90
U hety dzień skončyŭsia termin dziejańnia «zialonych propuskaŭ» (dazvoł na naviedvańnie peŭnych miescaŭ tym, chto vyzdaravieŭ ad kavidu, i vakcynavanym) i «fijaletavych znakaŭ» (standart, jaki paćviardžaje mahčymaść ekspłuatacyi hatelaŭ i numaroŭ u pieryjad pandemii), piša Times of Israel.
Tyja, chto prajšoŭ vakcynacyju, a taksama jašče nie pryščeplenyja hramadzianie mohuć svabodna naviedvać hramadskija miescy.
Źniatyja abmiežavańni dla hramadskaha transpartu, kram, restaranaŭ i inšych ustanoŭ, taksama možna pravodzić masavyja mierapryjemstvy ŭ pamiaškańniach i na pavietry. Bolšaść pradpryjemstvaŭ i škoł u krainie viarnulisia da narmalnaj pracy.
Razam z tym pakul zastajecca ŭ sile abaviazkovaje našeńnie achoŭnych masak u zakrytych pamiaškańniach. Heta abmiežavańnie buduć zdymać paetapna.
Taksama praciahvajuć dziejničać abmiežavańni na ŭjezd i vyjezd ź Izraila. Hramadzianam pa-raniejšamu zabaronieny ŭjezd u krainy z vysokim uzroŭniem raspaŭsiudžvańnia karanavirusa, za vyklučeńniem asablivych vypadkaŭ. U hety śpis uvachodziać Rasija, Azierbajdžan, Ukraina, Efiopija, Brazilija, PAR, Indyja, Mieksika i Turcyja. Usie, chto pryjazdžaje z hetych krain, pavinny pajści na karancin, navat kali jany zrabili pryščepku ad COVID-19 abo pierachvareli. Hetaja miera budzie dziejničać da 13 červienia i praciahvajecca ŭ vypadku nieabchodnaści.
Tyja, chto pryjazdžaje ŭ Izrail ź inšych krain, pavinny buduć zdać dva testy na karanavirusnuju infiekcyju, heta datyčycca i tych, chto prajšoŭ vakcynacyju.
Izrail vakcynavaŭ 55% nasielnictva całkam, pryčym 70% uzrostam ad 20 hadoŭ. U najbližejšy čas urad pavinien dać dazvoł na vankcynacyju dziaciej uzrostam da 12 hadoŭ.
U ciažkim stanie znachodzicca 49 čałaviek, ź ich 36 na ŠVŁ, pavodle danych Ministerstva achovy zdaroŭja, apublikavanych u paniadziełak. Hetaja ličba skaraciłasia sa 100 ciažkachvorych u pačatku maja i z 1200 u studzieni, u razhar treciaj chvali.
