Sud pakaraŭ siamiejnuju paru ŭ Połacku štrafam i sutkami za nacyjanalny ściah
12 maja Połacki sud vynies pastanovy pavodle artykuła 24.23 KaAP za nibyta ŭdzieł hramadzian u niesankcyjanavanych masavych mierapryjemstvach, paviedamlajuć pravaabaroncy.
9 maja Uładzimir i Julija Jaŭsiejevy razam ź siabrami ŭ dvary svajho pryvatnaha doma ŭ mikrarajonie Hramy adznačali śviata. Kala 22.00 jany vyjšli na vulicu ź bieł-čyrvona-biełym ściaham. U milicyju patelefanavali susiedzi, praz 20 chvilin pryjechała milicyja. Siamiejnuju paru trymali ŭ pastarunku da ranicy. Uładzimira rankam adpuścili, a Juliju kinuli na troje sutak u IČU Połacku. Raniej ich abaich užo pryciahvali da administracyjnaj adkaznaści za parušeńnie zakanadaŭstva ab masavych mierapryjemstvach, tamu sudzili pavodle č.3 art. 24.23.
Sudździa Viktar Balika pryznaŭ ich vinavatymi ŭ pravaparušeńni pavodle art. 24.23 i pakaraŭ aryštam i štrafam. Uładzimir Jaŭsiejeŭ asudžany na 20 sutak aryštu, Julija Jaŭsiejeva aštrafavanaja na 70 bazavych vieličyń.
