65-hadovaha piensijaniera, u jakoha nibyta znajšli 165 tysiač dalaraŭ, asudzili jašče na 12 sutak
Nahadajem, što da 65-hadovaha Adama Špakoŭskaha 21 krasavika pryjšła milicyja i praviali pieratrus. Tady MUS nazvała piensijaniera administrataram rajonnaha čata Uručča.
Pa infarmacyi MUS, u kvatery minčuka znajšli 65 tysiač jeŭra i 87 tysiač dalaraŭ. Piensija mužčyny nie pieravyšaje 280 rubloŭ, tamu ŭ miežach kryminalnaj spravy praviarajecca jaho dačynieńnie da finansavańnia pratestaŭ.
Jak pisali tady pravaabaroncy, na mužčynu nibyta paskardzilisia susiedzi za toje, što «jon dastaŭ usich svajoj biełaruskaj movaj». 23 krasavika Adama pakarali 15-sutačnym aryštam.
12 maja stała viadoma, što Adam tak i nie vyjšaŭ na volu paśla aryštu, bo na jaho skłali dadatkovy pratakoł pa art. 19.10 KaAP (Prapahanda ci publičnaja demanstracyja, vyrab, raspaŭsiud nacysckaj simvoliki ci atrybutyki). U vyniku Adama Špakoŭskaha asudzili jašče na 12 sutak aryštu. Ahułam na sutkach piensijanier praviadzie amal miesiac.
