«Dali pa maksimumie». U Lidzie asudzili hrodzienskaha žurnalista Andreja Frałova
Sud nad hrodzienskim videaapierataram Andrejem Frałovym prajšoŭ 7 maja ŭ Lidskim rajonnym sudzie. Jon atrymaŭ 15 sutak administracyjnaha aryštu i štraf u 30 bazavych vieličyń (870 rubloŭ), piša Hrodna.life.
Žurnalista Andreja Frałova sudzili pavodle artykuła 23.5, častki 3 (Niezakonnyja vyrab i (abo) raspaŭsiud pradukcyi srodkaŭ masavaj infarmacyi) i artykuła 24.3 (Niepadparadkavańnie zakonnamu rasparadžeńniu ci patrabavańniu słužbovaj asoby pry vykanańni im słužbovych paŭnamoctvaŭ) KaAP Respubliki Biełaruś.
«Pa kožnym artykule dali ŭsio pa maksimumie», — raspaviała žonka zatrymanaha Hanna Frałova. Taksama ŭ žurnalista kanfiskavali fłešku ź videazapisami. Jaho mašyna zastałasia na štrafstajancy, zabrać možna budzie tolki paśla vypłaty štrafu i adbyvańnia pakarańnia. Pakarańnie Andrej budzie adbyvać u Lidzie.
Spravu razhladaŭ sudździa Maksim Fiłataŭ. Heta jon asudziŭ aktyvista ź Biarozaŭki Vitolda Ašurka na 5 hadoŭ kałonii. Vystupaŭ sudździoj i pa inšych palityčnych spravach. U jakaści śviedak byli supracoŭniki Lidskaha RAUS: siaržant milicyi Łukjanaŭ, Rusakievič i Kryščanka.
Andreja Frałova zatrymali ŭviečary 4 maja ŭ Biarozaŭcy i źmiaścili ŭ Lidski izalatar časovaha ŭtrymańnia. Uvieś čas da suda jon znachodziŭsia tam. Pieradaču nie pryniali, spasłaŭšysia na toje, što «palityčnym» pieradačy nie pieradajuć.
Andrej Frałoŭ — videaapieratar, supracoŭničaŭ z roznymi miedyja, apošnija hady — z polskim spadarožnikavym telekanałam TVP Polonia.