NATA: Kala miežaŭ Ukrainy zastajucca dziasiatki tysiač rasijskich vajskoŭcaŭ
Hienieralny sakratar NATO Jens Stołtenbierh śćviardžaje, što paśla advodu rasijskich vojskaŭ z zony praviadzieńnia vučeńniaŭ u krasaviku ŭ Krymie i kala miažy z Ukrainaj jašče zastajucca dziasiatki tysiač vajskoŭcaŭ — bolš, čym było da apošniaha abvastreńnia situacyi.
Pra heta jon skazaŭ u čaćvier na sustrečy ministraŭ abarony krain Jeŭrasajuza, piša TASS.
«My budziem abmiarkoŭvać Rasiju. My zafiksavali advod častki rasijskich vajskoŭcaŭ ad miažy z Ukrainaj, adnak dziasiatki tysiač rasijskich vajskoŭcaŭ zastajucca kala jaje i va Ukrainie (u Krymie), — zajaviŭ hienieralny sakratar. — Ahułam zastajecca značnaja rasijskaja vajskovaja prysutnaść u rehijonie, tam zastajecca značna bolš rasijskich vojskaŭ, čym da niadaŭniaha abvastreńnia situacyi».