U Rasiju nie puścili 172 tony sankcyjnych tavaraŭ ź Biełarusi: hrušy, jabłyki i pamieła
Samuju vialikuju za ŭsiu historyju partyju sankcyjnych tavaraŭ zatrymali rasijskija mytniki na miažy ŭ Branskaj vobłaści.
U vaśmi furach vyjavili bolš za 172 ton hruš, pamieła i jabłykaŭ, piša «Radyjo Svaboda» sa spasyłkaj na Fiederalnuju mytnuju słužbu Rasii.
Padčas pravierki kiroŭcy nie pradjavili nieabchodnych dla pieravozki dakumientaŭ.
«Etykietki na skryniach pakazvali na pachodžańnie sadaviny z krain, uklučanych u sankcyjny śpis. Supracoŭniki Branskaj mytni zaviali siem spraŭ», — paviedamili ŭ FMS.
U Rasii dziejničaje zabarona na ŭvoz šerahu vidaŭ charčovaj pradukcyi z krain ES, a taksama Aŭstralii, Kanady, Narviehii, Albanii, Čarnahoryi, Isłandyi, Lichtenštejna, ZŠA i Ukrainy. Takija zachady Rasija ŭviała ŭ adkaz na ekanamičnyja sankcyi hetych krain, uviedzienych suprać Rasii z-za anieksii ŭkrainskaha Kryma i raźviazvańnia vajny na Danbasie.
Z momantu ŭviadzieńnia sankcyj rezka vyras ekspart u Rasiju ź Biełarusi midyjaŭ, krevietak, kivi i inšaj charčovaj pradukcyi, jakaja tut tradycyjna nie vyrablałasia.
