«Parušeńnie pravoŭ čałavieka». U Jeŭropie prapanujuć abmiežavać technałohii raspaznavańnia tvaru
Technałohija raspaznavańnia tvaru pavinna być zabaronienaja ŭ Jeŭropie, bo jana ŭklučaje ŭ siabie hłybokaje i niedemakratyčnaje ŭmiašalnictva ŭ žyćcio čałavieka. Pra heta zajavili ŭ piatnicu pradstaŭniki Jeŭrapiejskaha nahladnaha orhana pa abaronie piersanalnych danych (EDPS). Taki kantrast u padychodach z Kitajem, Rasijaj i Biełaruśsiu, dzie hetyja technałohii masava ŭkaraniajucca biez hramadskaha abmierkavańnia.
Fota pixabay.com
Zajava prahučała na fonie taho, što paru dzion tamu Jeŭrakamisija pradstaviła prajekt praviłaŭ vykarystańnia hetaj technałohii. Zhodna z praviłami, raspaznavańnie tvaru možna budzie vykarystoŭvać dla pošuku źnikłych dziaciej ci złačyncaŭ, a taksama ŭ vypadku terarystyčnych atak. Praviły stali sprobaj Jeŭrakamisii rehłamientavać pracu z štučnym intelektam, technałohijaj, u jakoj daminirujuć Kitaj i ZŠA, tłumačyć Reuters.
Pradstaŭniki EDPS škadujuć, što Jeŭrakamisija nie prysłuchałasia da ich raniejšaha zapytu zabaranić raspaznavańnie tvaru ŭ hramadskich miescach. Zhodna ź ich zajavaj, hetaja technałohija patrabuje bolš strohaha padychodu, bo technałohija raspaznavańnia tvaru niasie vyklučna vysokuju ryzyku hłybokaha i niedemakratyčnaha ŭmiašalnictva ŭ asabistaje žyćcio ludziej. Tamu EDPS budzie pracavać u tym liku nad vyznačeńniem dakładnych miežaŭ dla vykarystańnia tych instrumientaŭ i sistem, što mohuć nieści ryzyku dla realizacyi fundamientalnych pravoŭ na abaronu infarmacyi i asabistaje žyćcio.
Prapanovy Jeŭrakamisii dazvolić technałohii raspaznavańnia tvaraŭ taksama vyklikali krytyku pravaabarončych arhanizacyj. Ich chvaluje mahčymaść taho, što aŭtarytarnyja ŭrady zdolejuć złoŭžyvać štučnym intelektam, kab pryhniatać pravy čałavieka.
