U Italii mužčyna 15 hadoŭ prahulvaŭ pracu i atrymlivaŭ zarobak
«Supracoŭnik» balnicy ŭ Italii niezakonna atrymaŭ 538 tysiač jeŭra.
Pa źviestkach palicyi, mužčyna nie prychodziŭ na pracu ŭ balnicu ŭ italjanskim horadzie Katandzara z 2005 hoda. Adnak na praciahu hetaha času jamu vypłačvaŭsia štomiesiačny zarobak. Za 15 hadoŭ suma dasiahnuła 538 tysiač jeŭra.
Ciapier mužčynu 67 hadoŭ, i jaho abvinavačvajuć u złoŭžyvańni słužbovym stanoviščam, padrobcy dakumientaŭ i vymahańni, paviedamlaje BBC.
Jak vyjaviłasia, u 2005 hodzie mužčyna pahražaŭ dyrektarcy balnicy i tym samym nie davaŭ joj padpisać dyscyplinarny pratakoł za prahuły. Zatym dyrektarka pajšła na piensiju, mužčyna praciahvaŭ prapuskać pracu, a jaho prysutnaść bolš nichto nie praviaraŭ.
Jašče 6 supracoŭnikaŭ balnicy znachodziacca pad śledstvam, bo padazrajucca ŭ dačynieńni da hetaj spravy.
