Čechija vyšle jašče kala 70 supracoŭnikaŭ pasolstva Rasii
Čechija vyrašyła zraŭniać kolkaść supracoŭnikaŭ rasijskaha pasolstva ŭ Prazie z kolkaściu supracoŭnikaŭ češskaj ambasady ŭ Maskvie, što aznačaje vysyłku jašče kala 70 supracoŭnikaŭ rasijskaha dyppradstaŭnictva.
Siońnia apoŭdni skončyŭsia termin, da jakoha Rasija pavinna dazvolić usim 20 češskim dypłamatam viarnucca ŭ pasolstva ŭ Maskvie, jakaja vysłała ich u adkaz na vysyłku 18 supracoŭnikaŭ rasijskaha pasolstva, jakija, na dumku češskich uładaŭ, pracavali na śpiecsłužby.
Rašeńnie češskaha MZS dazvolić zraŭniać kolkaść dyppradstaŭnictvaŭ i dziejničaje ź siońniašniaha dnia. U Rasii jość čas da kanca maja vyvieźci svaich rabotnikaŭ i dypłamataŭ.
Paśla adjezdu vysłanych supracoŭnikaŭ u pasolstvie Čechii ŭ Maskvie zastavałasia 24 supracoŭniki, u tym liku piać dypłamataŭ i 19 administracyjna-techničnych rabotnikaŭ.
Zaraz u pasolstvie Rasii ŭ Prazie pracuje 27 dypłamataŭ i 67 administracyjna-techničnych rabotnikaŭ.
