Kikbaksior-biełarus Arłoŭski atrymaŭ 20-ju pieramohu ŭ UFC — nivodnamu ciažkavahaviku heta nie ŭdavałasia
Były čempijon absalutnaha bajcoŭskaha čempijanatu (UFC) u ciažkaj vazie Andrej Arłoŭski pieramoh amierykanca Čejza Šermana na turniry UFC Vegas 24, piša RBK.
Dvuboj doŭžyŭsia ŭsie try raŭndy, pa vynikach jakich sudździ adnahałosna addali pieramohu 42-hadovamu bajcu.
Usiaho na rachunku biełarusa, jaki debiutavaŭ u UFC u 2000 hodzie, 31 pieramoha i 20 paraz u źmiašanych adzinaborstvach, dva bai nie adbylisia. Jon abnaviŭ rekord pa pieramohach va UFC siarod bajcoŭ ciažkaj vahavoj katehoryi — 20. Rekord UFC pa pieramohach siarod usich bajcoŭ naležyć Donaldu Seronie (23), Arłoŭski dzielić čaćviorty radok.
Arłoŭski vałodaŭ čempijonskim pojasam UFC u 2005—2006 hadach. U 2000 hodzie staŭ pieramožcam «Čempijanatu Jeŭropy», arhanizavanym rasijskim pramoŭšenam M-1 Global. Akramia hetaha, vystupaŭ u prestyžnym Hran-pry Strikeforce, kikbaksiorskim turniry i baksiorskim bai.
