Sprava palitviaźnia Uładzimira Žychara: «Minsktrans» vystaviŭ pretenziju 30 tysiač rubloŭ
Sud Savieckaha rajona Minska 16 krasavika praciahvaje razhlad kryminalnaj spravy ŭ dačynieńni da Uładzimira Žychara, jaki nibyta vychapiŭ u supracoŭnika milicyi traŭmatyčny pistalet «Asa» i nanios cialesnyja paškodžańni niekalkim amapaŭcam, nahadvaje spring96.org.
Fota z sacyjalnych sietak
Siońnia ŭ sudzie vystupaje pradstaŭnik pradpryjemstva «Minsktrans», jaki vystaviŭ Žycharu materyjalnuju škodu z-za pierabojaŭ u pracy hramadskaha transpartu na 30 001 rubiel 82 kapiejki.
Jaŭhiena Žychara vinavaciać adrazu pa troch artykułach Kryminalnaha kodeksa:
— č.1 art. 342 KK (arhanizacyja abo aktyŭny ŭdzieł u hrupavych dziejańniach, jakija hruba parušajuć hramadski paradak);
— art. 364 KK (hvałt albo pahroza prymianieńnia hvałtu ŭ dačynieńni da supracoŭnika orhanaŭ unutranych spraŭ);
č.2 art. 206 KK (rabavańnie, spałučanaje z hvałtam, albo z pahrozaj prymianieńnia takoha hvałtu).