Staŭka refinansavańnia pavyšajecca z 7,75% da 8,5% — toje, čaho chacieŭ Nacbank
Z 21 krasavika staŭka refinansavańnia składzie 8,5% hadavych, staŭka pa kredycie aviernajt — 9,5% hadavych, staŭka pa depazicie aviernajt — 7,5% hadavych.
Adpaviednyja rašeńni pryniaty Praŭleńniem Nacbanka siońnia «z ulikam kompleksu źniešnich i ŭnutranych faktaraŭ, jakija ŭpłyvajuć na biahučuju i budučuju dynamiku spažyvieckich cen», — havorycca ŭ paviedamleńni hałoŭnaj finansavaj ustanovy krainy.
U kancy 2020 hoda inflacyjnyja pracesy paskorylisia, što było abumoŭlena pieranosam u ceny pasłableńnia biełaruskaha rubla, a taksama šokami prapanovy na rynkach asobnych charčovych tavaraŭ. U pačatku 2021 hoda inflacyja praciahnuła paskaracca pad upłyvam dalejšaha pavyšeńnia suśvietnych cenaŭ na charčovyja tavary, a taksama na impartavanyja niecharčovyja tavary, cana jakich dla spažyŭca pavialičyłasia z-za ŭzrosłych łahistyčnych vydatkaŭ i pierabojaŭ z pastaŭkami z pryčyny pandemii, tłumačyć Nacbank.
Papiaredni raz staŭka refinansavańnia vyrastała ŭ pačatku 2015 hoda. Tady Pavieł Kałaŭr tolki pryjšoŭ na pasadu i raźbiraŭsia sa spadčynaj Nadziei Jermakovaj.
Ź lipienia 2020 hoda staŭka refinansavańnia składała 7,75%.
