«Baćki nie majuć prava ŭmiešvacca ŭ navučalny praces». Kodeks ab adukacyi pryniaty ŭ pieršym čytańni
Pałata pradstaŭnikoŭ u pieršym čytańni zaćvierdziła Kodeks ab adukacyi. Adznačajecca, što ŭ novym Kodeksie buduć likvidavany prabieły, jakija jość u papiaredniaj redakcyi, piša Tut.by.
«Vyrazna ahavorana ŭ zakanadaŭstvie, što baćki i zakonnyja pradstaŭniki dziaciej nie majuć prava ŭmiešvacca ŭ navučalny praces. Za hetymi pytańniami, infarmacyjaj jany abaviazany buduć źviartacca niepasredna va ŭstanovu adukacyi», — skazaŭ staršynia Pastajannaj kamisii pa adukacyi, kultury i navucy Ihar Marzaluk.
Pa jaho słovach, budzie zahadana poŭnaje napisańnie ŭstanoŭ adukacyi z typam i vidam. Buduć aptymizavanyja ich typy i vidy.
«Pry hetym vyrazna na zakanadaŭčym uzroŭni zabaroniena vykarystoŭvać roznym hramadskim arhanizacyjam, fondam, jakija nie majuć nijakaha dačynieńnia da sistemy adukacyi, takija paniaćci, jak škoła, licej, kaledž, instytut, univiersitet, akademija», — dadaŭ deputat.