Mužčyna lacieŭ u Minsk i nie zadekłaravaŭ 80 tysiač jeŭra
Minskija mytniki vyjavili ŭ rasiejca, što lacieŭ z Turcyi, kala 80 tysiač niezadekłaravanych jeŭra.
Mužčyna lacieŭ rejsam Stambuł — Minsk. Pry prachodžańni miažy hramadzianin Rasii abraŭ «zialony» kalidor, zajaviŭšy tym samym ab adsutnaści tavaraŭ i hrašovych srodkaŭ, jakija padlahajuć dekłaravańniu. Mytniki źviarnuli ŭvahu na tryvožnaść rasiejca pry standartnym apytańni. Jamu prapanavali prajści pa «čyrvonym» kalidory.
U bahažy i ručnoj pakłažy mužčyny byli vyjaŭlenyja 158 kupiur roznaha naminału, siarod ich byli jeŭra, rasijski rubiel, bałharski leŭ, tureckaja lira, tajski bat. U sumie — kala 80 tysiač jeŭra, što amal u dzieviać razoŭ pieravyšaje sumu, dazvolenuju zakanadaŭstvam da pieramiaščeńnia praz mytnuju miažu bieź piśmovaha dekłaravańnia.
Minskaja rehijanalnaja mytnia pravodzić pravierku.
